Հարգելի բարեկամ   Ջերմորեն ողջունում եմ Կաքավաձորի համայնքապետարանի նորաստեղծ կայքում: Հավատարիմ մնալով իմ սկզբունքներին` ցանկանում եմ համայնքապետարանի աշխատանքները կազմակերպել բաց և թափանցիկ, յուրաքանչյուր քաղաքացու իրազեկել համայնքի ղեկավարի և ավագանու կողմից ընդունված որոշումներին: Կայքն օժանդակելու է համայնքապետարանի գործունեության նկատմամբ հասարակության տեղեկացվածության բարձրացմանը:

Գյուղ Թալինի տարածաշրջանում, Թալին քաղաքից 22 կմ հարավ-արևելք:Մարզկենտրոնից գտնվում է 38 կմ հեռավորության վրա: Նախկինում ունեցել է Եշիլ, Էշիլ, Յաշիլ անվանումները: Կաքավաձոր է վերանվանվել 1946թ.:

Գյուղն ընկած է մեղմաթեք լեռնալանջերի վրա: Ծովի մակարդակից բարձր է 1675 մ:Կլիման ցամաքային է: Ամառները տաք են և չոր, ձմեռները` ցուրտ, կայուն ձնածածկույթով: Գյուղն ունի 1250 բնակչություն, որոնց նախնիները 1915-1918թթ. գաղթել են Արևմտյան Հայաստանի Սասունի շրջանից: 

Ունի դպրոց, բուժկետ, գրադարան, մշակույթի տուն, կապի հանգույց:

Տնտեսության գլխավոր ճյուղը գյուղատնտեսությունն է: Զբաղվում են անասնապահությամբ, պտղաբուծությամբ, մշակում են կերային ու բանջարաբոստանային կուլտուրաներ:

Շնորհավորում եմ գալիք Ամանորն ու Սուրբ ծնունդը: 
Գալիք 2020թվականը լինելու է մեր համայնքի համար շոշափելի փոփոխությունների ու ձեռնարկների, նոր քայլերի տարի՝ որին հասնելու ենք միահամուռ ուժերով:
Շնորհավորելով Ամանորի և Սուրբ Ծննդյան տոների կապակցությամբ, մաղթում եմ առողջություն, բարեկեցություն, երջանկություն ու լավատեսություն: Թող ձեր ընտանիքներում հարատևի խաղաղությունը, սերն ու լիությունը:
Սրտանց շնորհավորում են ձեզ գալիք տոների առթիվ:
Շնորհավո՛ր Ամանոր եւ Սուրբ ծնունդ:

Կաքավաձոր համայնքի ղեկավար` Հայկ Բաղդասարյան

Տեղեկացնում ենք, որ ՀՀ տարածքային կառավարման և ենթակառուցվածքների նախարարության կողմից մշակվել է ՀՀ տարածքների համաչափ զարգացմանը միտված հարթակ (այսուհետ՝ Հարթակ: Հարթակի հղումը (www.regions4growth.am)  տեղադրվել է մարզպետարանի պաշտոնական կայքի ձախակողմյան հատվածում: 

https://www.regions4growth.am/

Կաքավաձոր համայնքի Մ. Մխիթարյանի անվան միջնակարգ դպրոցում գործող «Rafayel» գեղագիտական կենտրոնի պարի խմբակը այսօր տոնեց դպրոցում իր գործունեության առաջին տարին: Շնորհավորում ենք մեր փոքրիկներին և ցանկանում մեծ բեմեր: 
Պարուսույց և գեղ. ղեկավար Արուս Հովհաննիսյան

08.06.2019թ. անցկացվեց շաբաթօրյակ Կաքավաձոր համայնքում, որին մասնակցեցին համայնքի դպրոցը, տնտեսվարող սուբյեկտները, համայնքապետարանը և համայնքի բնակիչները: